Goizean Santa Fe zentrutik buelta bat. Hotza egiten zuen. Gradu bat inguru eta elurra hasi du. Santa Fe: mexikarrak, indioak eta amerikarrez osatutako nahasketa. Alde zaharra eta plaza oso politak. EEBBetako etxe zaharrenak dira. 300 urte inguru.
Gasolina botatzean “thirty dolars” esan eta gasolindegikoak beste bati “oye! Cuanto es zerty? Treinta bucks.”
Eguerdi aldean Albuquerquen bazkaldu degu. (ez da Alburquerque,. r-a jan diote)
New Mexico utzi eta Arizonara sartzean konturatu gara gure gaurko egunak 25 ordu izango zituela berriro. 26 berez, ze atzo despertadoreari ez genion ordua aldatu eta uste baino ordu bete lehenago esnatu gera. Ondo dago ordu hauek oparitzea turismo egiteko.
Arizonan Petrified Forest eta Painted Desert parkeak ikusi ditugu. Asko gustatu zaizkigu koloredun mendiak eta harri bihurtutako zuhaitzak.
Harrigarria da zein zuzen eta laua den hemen bidea. Aurreko egunetan hala iruditu bazitzaigun, Arizonan oraindik lauagoa eta zuzenagoa.
Merkantziako trenak ikusi ditugu bidean. Infinitoak dira. 2 pisutako kontenedoreak daramatzate eta ez zaie ikusten ez hasiera ezta bukaera ere.
Holbrook herrian motel kurioso batekin aurkitu gara. Indio dendak ziren motelaren gelak. Wigwam village. Kotxe klasikoak aurrean aparkatuta eta bazirudien kotxeak dantzan jarriko zirela Cars pelikulan bezala.
Kostatu zaigu JackRabbit aurkitzea. Amaieragabeko ibilibide baten ondoren. Route 66 bideko zati asko itxita-utzita daude eta ezin da kotxez jarraitu.
Flagstaff bidean,
